محدٍ بيمك بس وفر سوالفك
——- سوق الخرد مال للذهب فيه قيمه
مجلسك مع بعض العرب يعتبر أفك
——- وهرج على غير النشامى ظليمه
لاتهرج ألا مع رياجيل تعرفك
——- أهل الوفاء اللي معرفتهم غنيمه
ترى التواضع بعض الآحيان يوقفك
——- في موقف فيه أحتقار وهزيمه
أنته تواضع طيب واللاش يوصفك
——- في تهمة مالك عليها وسيمه
أقل حاجه يستخفك ويقذفك
——— من يوم تقفي بالغباء و الجريمه
عني أنا لايمكن اللآش ينصفك
——— قلبه مريض.. ونيتك مستقيمه
معناته أنه مستحيلٍ يحالفك
——— حال التنافر بين ذيب وبهيمه
ياذيب دورلك ذيابٍ توالفك
——— واترك غنم سلمى على الماء محيمه
أكيد ماتعرف وش أسمي ولا أعرفك
——— بس الحقيقه معرفتنا قديمه
عرفت ليش أقول وفر سوالفك
——— سوق الخرد مال الذهب فيه قيمه ..!
ليست هناك تعليقات:
إرسال تعليق