قصيدة محمد القاضي حذراك خلان الرخى

 من قصيده للشاعر / محمد العبدالله القاضي :

==============================


افكرت بالدنياوهيضت مكتوم +++ ما حن في ليحان قلبي وحامي


افكر وانا في كار الافكار مهموم++قلب كوا جاشه لهيب الغرامي


يخفق خفوق سبوق طير يبا الحوم+يرف من جاشه رفيف الحمامي


وشاهدت بالدنيا غيارات وعلوم++ وعجايب باحوال سام(ن)وحامي


كم دولة صالت وزالت لهاحوم++ اخبارهم واذكارهم كالحلامي


تناقلتهم يم الاجداث بسهوم +++ يقطعك دنيا ما لعيشك دوامي


ما قدر الباري على العبد مقسوم+ يسلم ويرضى بالقدر والسلامي


فالعمر له حد بالاوراق مرسوم++ والرزق مضمون حسابه تمامي


وابصرالى منه صفا الدهر لك يوم+ يكويك مسماره على الكبدحامي


ومن خاطب الجاهل جهل منه ملزوم+حده لما ياطا الخطا بالخطامي


ومن شاف عيب الناس بالعين معلوم+مغرا وعن عيبه عمى العين عامي


هيهات من يسلم عن الشوم واللوم++رضى الناس فيه غاية ماترامي


ما ذكر مخلوق عن العيب معصوم++الا اللذي ظلل عليه الغمامي


كم ساري في تالي الليل منجوم +++ اصبح بضحضاح بعيد المظامي


وكم جاهل يغر برايه وهو دوم +++ يخوض في جهله غزير الحمامي


ولا عاد ينفع ميت القلب تعلوم+++ تاه بعمى رايه قليل الرحامي


ومن يبذل المعروف بالنذل مليوم++ خاب وخسر ياصانعه بالليامي


حذرك خللان الرخى عدهم قوم++ خلان من دامت نعيمه ودامي


الى ادبرت دنياك عدوك معدوم +++ مروك ما ردوا عليك السلامي


وكم جامع مال(ن)وهو منه محروم+ سلط على ماله عيال الحرامي


والمكر وآثار المعاصي لها شوم++واخطا الخطا خلط الحلال الحرامي


ودار العقوبه عن دعا كل مظلوم++ عينه تنام وخالقه ما ينامي


لاتكترب ياساهر بات مهموم +++ ترا الفرج عند اكتراب الحزامي


خل النمر والحر والهروالبوم+++ كل(ن) ينزل له محل ومقامي


واياك وعرض الغافل الغر مذموم+ احلم على الجاهل ورد السلامي


والبحث يظهر مضمر فيك مكتوم++ وعند الجدال يبين خافي العلامي


وزلت صديقك امحها ما بها لوم++ لعاد ماله عن مقامك مقامي


والفرق بين المحبين معدوم +++ والمزح يرث بين القلوب الندامي


وصلاة ربي عد ما صاح مضيوم++ على النبي مني صلاة وسلا مي