يقول الشاعر عبيد الرشيد :
القلب من كثر الهواجيس قزان =
ما يستريح من الدهر ربع ساعة
يا غافر الزلات يا وال الإحسان =
تجعل من التقوى لنفسي بضاعة
أنا على لان وربعي على لان =
متخالف ٍ رايي وراي الجماعة
ماني بشاوّيٍ يربت على الضان =
ويعطي لطلاب الجنايا رتاعة
أنا ولد علي سلايل كحيلان =
ربي خلقني للسبايا وداعة
الناس ما تسقيك لا صرت عطشان =
ولا يشرب الظامي عدا من ذراعه
إضرب على الكايد إلى صرت بحلان =
وعند الولي وصل الرشا وانقطاعه
عيب ٍ على اللي يتقي عقب ما بان =
ويرضى طمان النفس عقب ارتفاعه
أما تجيب عقود لولو ومرجان =
ولا فهي لابليس يطير بشعاعه
وطرّابة الدنيا مع الفجر دخان =
وكرارةً بأطراف خطو الصعاعة
ليست هناك تعليقات:
إرسال تعليق