يا من لقلب من شديد العرب جاض
كما يجوض الى اونس الكي ممروض
لا والله الا صار للبدو نضناض
دونك حجير مغيزل العين مقضوض
طمنت راسي للمنازل ولا راض
ولا شفت بيت بايسر البدع منهوض
يا من يبشرني عسى شيخهم راض
وين انت ياللي لك مع البدو ملحوض
طووا ورووا واتنووا عقب مقياظ
ولا نيب راجيهم الى جرة الحوض
يوم استقلوا والمظاهير قفاض
غدالهم دون المشاريف عاروض
يبون براق على دارهم ناض
مختلطة به عشية الصيف وحموض
الدمع من عيني على محجري فاض
فيضة شعيب فايض له على روض
الى استعز القلب واعنس بالاعراض
تعرضه من طاري البدو عاروض
ليست هناك تعليقات:
إرسال تعليق