طار الكرا عن مقلة العين فرا
فزيت من نومي طرا لي طواري
وأبديت من جاش الحشا ما تذرا
واسهرت من حولي بكثر الهذاري
خط لفاني زاد قلبي بحرا
من شاكين ظيم النيا والعزاري
سر يا قلم واكتب على ما تورا
واكتب جواب لابن عمي مشاري
دنياك هذي يا بن عمي مغرا
لا خير في دنيا توري النكاري
تسقيك حلو ثم تسقيك مرا
ولذاتها بين البرايا عواري
اكفخ بجنحان السعد لا إتدرا
وما قدر الباري على العبد جاري
ولا في يد المخلوق نفع وضرا
والعمر ما ياقاه كثر المداري
يوم ان كل من عميله تبرا
ونجد غدت باب بليا سواري
رميت عني برقع الذل برا
ولا خير في من لا يدوس المحاري
نزلتها غصب بخير وشرا
وجمعت شمل بالقرايا وقاري
واجهدت في طلب العلا لين قرا
وطاب الكرا مع لابسات الخزاري
ومن غاص غبات البحر جاب درا
وحمد مصابيح السرا كل ساري
انا احمد اللي جابها ما تحرا
واذهب غبار الذل عني وطاري
واحصنت نجد عقب ماهي تطرا
مصيونة عن حر لفح المذاري
والشرع فيها قد مشى واستمرا
يقرا بنا درس الضحى كل قاري
ولا سلت عن من قال لي لاتزرا
حطيت الاجرب لي خوي مباري
نعم الصديق ليا صطا هم جرا
يودع مناعير النشاما حباري
ليست هناك تعليقات:
إرسال تعليق