الشاعر: حمود البغيلي
الغرب يصنع طائرات وصواريخ ..
والشرق الاوسط ضاع نفطه بلاشي
........
حطوا لهم في صفحة العلم تاريخ ..
وحــــنا بماضينا نعيد النقــــــــاشي
..........
من عقب ماكنا جبال شواميـــــخ ..
صرنا تحــــــت حكم الاجانب ولاشي
.........
شي يدوخ الراس تدويـــــــــــــخ..
وشلون عقب الحر حــــــام الفراشي
.............
اقولها والقلب اقوى من الصيخ ..
متى نشوف الحق في الارض ماشي
..............
لاني ولد تاجر ولاني ولد شيـــخ ..
انا فقير وراس مـــــــالي معــــاشي
يا كثر ماقلت ابسوي وبسوي
ولا فيه شي من اللي قلته سويته
...
راحت حياتي وانا طري وانا نوي
واللي بغيته نسيته يوم خليته
انا احسب اني صغير وبالعمر توي
ولا شـك شيبت واحلى العمر عدّيته
...
وياليتني يا حمود يوم صفى جوي
هـاك الزمن يا شريف البيت خاويته
يا كثر ماقلت ابسوي وبسوي
ولا فيه شي من اللي قلته سويته
ألحان: عمر عبداللات
ليست هناك تعليقات:
إرسال تعليق