قصيدة محمد العبد الله القاضي حذراك خلان الرخى

قصيدة رائعه للشاعر / محمد بن عبد الله القاضي
*************** ​

فكـرت بالـدنـيـا وبيحــــــت مكتـــــوم​

ماحـن فــي ليحـــــان صــدري وحـامـي​

فـكـرت ولــي بـأفكـار الأيـــام مـفـهـوم​

قـلـب شــوى جـاشـه لهـيـب الـغـرامـي​

يخفق خفيق سبـوق طيـر يبي الحــــــوم​

يــرف مــن جـاشــه رفـيــف الحـمـامـي​

وشـاهــدت بالـدنـيـا عـبــارات وعـلــوم​

وعـجـايـب بــاحــوال حــــامٍ وســامــي​

اسج واسبـح بهـا كمـا الغــرق بالنـــوم​

كـنـي عـلـى لــوح بــه الـمـوج طـامـي​

كــم دولــة صـالـت وزالــت لـهـا حـوم​

اخـبـارهــم واذكــارهــم كـالاحـلامـــي​

استغفلتهم يم الاجــــداث بـسهـــــوم​

يقـطـعـك دنـيــا مـــا لعـيـشـك دوامي​

مـا قدر البـاري علـى العـبـد مقـســـوم​

يسلِم ويرضــى بـالقــدر والـســـــلامي​

العمر له حد بالاوراق مرســـــــــــــوم​

والرزق مضمــون حسـابه تمــــــــــامي​

لو تســــأل اللي عـاش بـه دهـر أو يـوم​

عمره سوى الله عاش بـه ألـف عــــــامي​

وابصــــــــر إلى منه صفا الدهر لك يوم​

يكويك مسمـاره على الكبـد حـــــــامي​

ومن خاطب الجاهل جهل منه ملـــــزوم​

حده لمــا ياطــا الخـطـأ بالحـســــــــامي​

ومن شاف عيب النـاس بالعيـن معلــوم​

مغـرا وعن عيبه عمـا العين عــــــــامي​

هيهات مـن يسلـم مـن الشـوم واللـوم​

رضا الناس فيها غــــــــــــاية ماترامي​

ولا ذكر مخلوق عن العـيب معصــــــــوم​

إلا الذي ظلل عليه الغمــــــــــــــــامي​

فكم واحد حـده طغـا الجهـل والــــــزوم​

لمـا شــرب بالكـره كاس الحمـــــــــــامي​

وكم ســاري فـي تايه الرأي منجــــــــوم​

اصبح بضحضاح بعيد المظـــــــــــــــامي​

وكم جاهل يغرا برايه وهـــــــــــــو دوم​

يخـوض في جهله غـزيـر الجمـــــــــــامي​

ولاعاد ينفع ميت القلب تعلــــــــــــــوم​

تاه بعما رايه قليل الرحـــــــــــــــــامي​

ومن يبـذل المعـروف بالنـذل مليــــــــوم​

خاب وخسـر من ياصفـه باللئـــــــــــامي​

حذراك خلان الرخـا عدهم قــــــــــــــوم​

خلان من دامت نعيمه  ودامــــــــــــــي​

إن ادبرت دنياك عــــدوك معــــــــــدوم​

مروا ولا ردوا عليك الســـــــــــــــــلامي​

عنز إلى من ضــدك الدهـر مضيـــــــــوم​

عد يصـــدر حايمات الظــــــــــــــــوامي​

فكم جامعٍ للمال هو منه محــــــــــــروم​

سلط على ماله عيال الحــــــــــــــــرامي​

وابصـر بحالاتـك تـرا العجل مذمـــــــــوم​

ماساعف الله من غشمهـا اشمـــــــــــامي​

نفسك وطيب الخيـم معطـا ومحــــــــروم​

وهايبٍ تعطى النفوس الكـــــــــــــرامي​

والمكر واثار المعاصي لها شــــــــــــــــوم​

واخطا الخطا خلـط الحــــــــــلال بحـرامي​

ودار العقوبة عن دعا كل مظلـــــــــــــوم​

عينه تنام وخالقه ما ينــــــــــــــــــامي​

لا تكترب يا ســــــــــــــــاهر بات مهموم​

تــرا الفرج عنـد اكتـراب الحــــــــــزامي​

وذكار مافايت من الدهـر مذمــــــــــــوم​

فالبحث للفايت يزيد الغـــــــــــــــرامي​

وللشر ميعاد ولا الخيــر معـــــــــــــدوم​

والله جعل للصــــــــــــــــابرين احترامي​

للحلم هو والصبر حد ورســـــــــــــــــوم​

بحـال أو حــــــــــــــال لو غضب مايلامي​

خل النمر والحــر والهــــــــــــــر والبوم​

كل ينزل له محـل ومقـــــــــــــــــــامي​

واياك وعــرض الغـافـل الغـر مذمــــــوم​

احلم على الجـــــــــــاهل ورد الســـلامي​

والبحث يظهـر مضمر فيك مكتـــــــــوم​

وعند الجــــــدال يبيـن خافـي العــلامـي​

وزلــة صديـقـك إمحها مـــا بها لـــــــوم​

لعاد ما له عن مقامك مـــــــــــــــرامي​

والفــرق ما بين المحبين معــــــــــــــدوم​

والمــزح يـــرث بالقـلـوب النـــــــــدامي