مانيب من ياتي ولا يدرابه
شطر حفظته ماعرف كتابه
شطر يناسبني لمثل الليله
واشوفني في ذالمكان اولى به
ابتكل بالله ونعم بالله
اللي مايوصد دون خلقه بابه
باقول واللجنه تقيم قولي
ومن كثرت الشعار ماني آبه
الحمد لله واثق(ن) من روحي
وان كنت ذيب فالرجال ذيابه
ما اقول انا اشعر واحد فالدنيا
لكن قصيدي كفو وانا ادرابه
الشعر جمعنا لو تفرقنا
حدودنا وظروفنا الغلابه
الله يبيض وجه راعي الفكره
عز الله انها تنحسب لحسابه
والله يبيض وجه من يرعاها
محمد الله يحفظه لاحبابه
محمد ولد زايد عريب المجنى
ولي عهد الديره الخلابه
الشعر تاريخ(ن) لنا من مبطي
واعلامنا يوم السنين نهابه
الشعر بيت(ن) والوزن عمدانه
معناه طنب وقافيته حجابه
الشعر واد فيه صيد(ن) واجد
وكل على الوادي يهج ركابه
والافكار صيد وكل شاعر قانص
وكلن يدسم شاربه مخلابه
احد(ن) خياله حر واحد(ن) وكري
واحد(ن) خياله كوبجن بقطابه
وانا خيالي كل ماهديته
حول على الوادي وصاد عقابه
شاركت امثل ديرتي وربوعي
وكلن يمثلن ديرته واقرابه
والله الا الله راد والله قاله
اني لسلمها الفخر وكتابه
داري قطر وانا اهنا امثلها
المجد مطلوبي وانا طلابه
عهد علي اني لشرف داري
ترك صبي ما يعز ترابه
شوفوا دمي من حبها عنابي
وحماستي من ضووها شبابه
شاعر خليجي والعروبه بيتي
والبيت ماياقف بدون اطنابه
وان عودت بين القبايل فزعه
انا اشهد ان لي فاللوازم لابه
لي فالقبايل ربع واقدرهم
ماني بمن يجهل مقام اصحابه
وان عودت لاصلي فانا اصلي مري
من صلب يام اهل القنا وخضابه
قوم لنا فوق المعالي بيرق
والسيف قوة سلته بانصابه
الشعر طوقني وانا طوقته
قمت اتمشابه وفك ابوابه
يابنت ياللي تفرقين بعودش
مالومهم لاكثروا الخطابه
لامر بش دربش على خلق الله
قالوا كذا بالاصبع السبابه
زينش يزينه فعل ابيش وجدش
وانتي بدورش للنقا كسابه
قومي تباهيبي وفلي راسش
عليش من ستر الشرف جلبابه
وان ماسترتش بالفعول وباسمي
فعقبني الفنجال ياصبابه
،،،،
باسـم الله وابـدا بالـتـحـيـه
على دوري وكل له حسابه
عسى ربي على الخير يهداني
يفيد المستمع واللي حكى به
وعلى اقول واوضح كلامي
ومن لاينعرف وش ينبغى به
وعلى السامع يتابعني بدقة
وقاضي الحق لا إستوضح قضابه
وأنا مقدر على اقناع المغفل
وحر الطير يعرف من غرابه
وعفوا ما أقصد الا كل ناقص
يعيش بنقص عرفه ويحيابه
وانا لي مع هل الجابات جابه
وكل يفتخر بأحسن جوابه
مع اهل العرف لي رمية جماري
وعلى ربي خطأ الرمي وصوابه
وعلى الله كل وضعي واتكالي
هو الخلاق واليه الأنابه
وعفوا لو بغيت اذكر مصيري
أنا من جب حاميته حرابه
نجير ويمنع الضيف المعزب
ونحمي الضيف ونوفر زهابه
ولا من حن شربنا در ناقه
واخذها عزونا ردة غصابه
ولامن حن كلينا زاد ديرة
ومره غزونا وأخذه نهابه
وحنا لا بعد ذقنا بعدهم
يرد الكسب والكاسب يهابه
ولامنه دخل في البيت خايف
منعه الرجل لو هو في غيابه
غنيين عن التعريف حنا
فخرنا واصلنا كل حكابه
ولا لي عادة اذكر نسبنا
لكن في الناس من عدد انسابه
وحنا تنسب الأنساب منا
وقاموس العرب منا انتسابه
قحاطين ليا كلحت الأشافي
وتاريخنا سبق عصر الصحابه
منا الأوس والخزرج ومنا
خزاعة وانتم منا كلابه
بدون قصور في باقي القبايل
وكل متعب سلمة ركابه
وعفوا من نواه يقول تكذب
فينشد قبل يمضي في جوابه
أما حصل شهود ضد قولي
ولا استكفى وقولي يكتفى به
وصلاة الله على الشافع محمد
عدد ما سطر سطر في كتابه
الشاعر/ هادي بن القعيمة. رحمه الله.
ليست هناك تعليقات:
إرسال تعليق