قصيدة الشاعر -
سليمان ابراهيم الوابصي البلوي شافاه الله
مر :: الدوا يوخذ على الريق سفي
واللي بها العلة على المر مغصوب
الله ::: من هاجس بصدري يلفي
تايه كما التايه على مفرق دروب
أتهم ::: وأتاهم وأتعوذ وشفي
واضرب وعد واستغفر الله واتوب
واشوف واقرا في عجاريف كفي
أن الوعد من جدول الربع مشطوب
ياملغي. ::: الميعاد صدر :: ملفي
لاعاد ماني عند الاجواد مرغوب
النفس :: ماتتبع :: رفيق مقفي
تصبر على فرقاه لوكان محبوب
أصفها ::: ياذيب عيت تصفي
وعذروبها مني ولافيك عذروب
قلبي شكى ياذيب ماني مخفي
المسألة صارت مواعيد عرقوب
لدن الجرايد وأخضر العود جفي
وانا أتحرى وانتظر منك مندوب
واللي :: عطا الميعاد لازم يوفي
ولايخلف الميعاد رجال محسوب
ليست هناك تعليقات:
إرسال تعليق