هذه القصيده للأمير ضاري بن فهيد الرشيد

الله من قلب دبل كبد راعيه= 

قام يتدرق مثل شمس المراتي
مايرعوي للنصح من دون طاريه=

ليا ماغدا بين الحذا والصفاتي
أرجع واهون وافتكر في مواضيه=

وليا الحسايف ماترد الفواتي
كم واحد يطرف عيونه بياديه=

 ويفارق الغالي على أدنى حكاتي 
عزّي لمن عمره مضى في تمنيه=

ماهمه إلا قول ويش السواتي ؟
ياقلب ذا وقت عسى الله يمضيه=

وياراكب اللي تقل فزة قطاتي
من حرّ هميم للوازم معفّيه=

عليه من يدي علوم الثباتي
يلفي على خل ولانيب كاميه =

صحيبي اللي ينطح الملزماتي
هو شوق من كن العسل بين اشافيه=

اللي قرونه بالحجب شارعاتي
فيا ركبه لي جيت عند ناصيه=

 الليث أبو صالح عطيب الرماتي
تلفي على اللي دايم القلب يطريه =

حيث ان ماغيره رفيق ثباتي
سلام مشتاق ليا شاف غاليه =

به اختلط حبل الرجا والمماتي 
فان قال كيف اللي علينا حواليه= 

قله رفيقك ساهر مايباتي
متحيز ماعنده احد يشاكيه=

 إلا صديق مثل وصف العداتي
هذا زمان كاثرات بلاويه =

 ماله من الحيلات كود السكاتي
فأن كان العمر جاء مثل ماضيه=

 يعنك ماتسوى ريال حياتي