قصيدة. أنا وخلي / مشعان بن هذال

 

سلام مني فالكم يا مناعير سلام أحلى من روايح مزونه يا موقدين النار جاكم مسايير ناس دعتهم ناركم تشعمونه حطوا حطب حطوا على النار تكسير الا سمي الترف لا توقدونه وانكان سلتوايا رجال المخاسير عن حالتي فالحال مني ترونه اهجل كما تهجل خلوج على ضير والا كما اللي وهقنه ظنونه وجدي وجود اللي تهايق على البير خم الرشا وحال أزرق الجم دونه أو وجد من صكوا عليها المشاهير عجزوا هل العادات لا يظهرونه أو وجد من له هجمتين خواوير حال الرمك ومسطر الغوش دونه على الذي ما قط ذير ولا ذير وحش الحما دونه عيال يحمونه أبو ثمان واضحات مغاتير غرو يغذي بالشمطري قرونه ما وقفت بالسوق سوق العطاطير ولا لمحت للي رضى بالمهونه ماكولها وارد شثاثا إلى الدير وشربه حليب مبرد يعتبونه مركوبه اشقح لامشن المظاهير تتلى قطيع معتر مثل لونه أمس وهو عندي بوسط الدواوير واليوم عني مبعدات ظعونه أنا وخلي فرقتنا المقادير كم واحد بيديه يطرف عيونه يا الله يا منشي السحاب المحادير يسر لعبد كاثرات شطونه

الشيخ مشعان بن مغيلث بن هذال فهذه قصيدته يقول : ‏

يا الله يا منشي المـزون المـزابيـر**** يـا رب نـطلبـك الفـرج والمعـونـه

يا الـله تـرد الـلي تيسـر على خـيـر**** والقلب من فرقـاه كثرت أشطونـه

أنـا وخـلـي فـرقـتـنـا الـمـقــاديـر**** وكم واحد بيديـه يطـرف أعـيونـه

مـن دونـهـا حـالـوا عـيال مساطير**** علـي ومشعـان يـعـرضـون دونــه

مـن دونها اللي يكسرون الطوابيـر**** وعزي لمن مثلي يصالي غبونـه

فوق اشقح يتلي السلف والمظاهير**** يـتـبـع قـطيـع مغـتـر مثـل لـونـــه

منجاعهم وادي الشميلي وأبا القير**** أقفـا مع الفدعـان تطـرخ أضعونـه

وجـدي عليهـا وجد من طاح بالبير**** خم الرشا وحال أزرق الجم دونـه

أو وجـد من صكوا عليه المشاهيـر**** وعجزوا هل الردات لا يظهرونـه

أو وجـد راعي هجمـة بـه خـواوير**** ما يقدرون أهـل الطلـب يرجعونـه ‏

عـلـى الـذي مـا قــط ذيـّر ولا ذيــر**** وقـت اللـقـا دونـه عـيـال يحمونـه

غـدوبهـا الـلي يكسرون الطـوابيـر**** واقفـا مـن اللوعـة يصالي غبونـه ‏

وأن سـألـتـوا يـا رجـال المخـاسير**** عـن حـالـتي فالحـال مـني تـرونـه ‏

أعـول كما تعـول خلوجٍ عـلى ضير**** وأنـدب وقـلبـي وهـقـنـه ظـنــونـه ‏

عـلى الهنـوف الـلي ثمـانه مغـاتير**** غـروٍ يـغـذي بـالشمطـري قـرونـه ‏

ما وقـفـت بالسوق سوق العطاطير**** ولا عـرّضت لمـدوريـن المهـونـه ‏

مـأكولهـا التمـن عـلى حنطـة الدير**** وتمـرة شثاثـا لريش العين مـونـه ‏

ومشروبـهـا در البـكـار المبـاكـيـر**** تـلقـا الصبوح مبـردٍ فـي صحـونـه ‏

ملبوسها أفخر ما سدوه الحواضير**** تـلبس طـربـزونٍ منقـش أردونـه ‏

يـا مـوقديـن النـار جـوكـم مسايـيـر**** نـاسٍ دعتهـم نـاركم تـشعمـونـه ‏

حطوا حطب حطوا قشاش وجثامير ****ألا سـمـي الـتـرف لا تــوقــدونــه ‏

الـلـه يـزيـّن فـالـكـم يـا الـمـنـاعـير**** بسـلامٍ أحـلى مـن روايـح مـزونـه ‏

والشطر الأخير للبيت الرابع يروي أحيان : علي وضبعان يعرضون دونه