ياخضير تنشدني وهذي علومي
الشوف داني والقدم فيه خله
اوجس بقلبي من مقامي همومي
وعلي من حروة مقامي اشكله
زودٍ على الثنتين حطيت شومي
والكف من نقل العصا مستمله
وتبعت للي مايمومه يمومي
لو شفت هرج وعوج ما قلت لله
وتركت فعلي يوم اعقد كمومي
اصلب نهاري طول والليل كله
واصبر على برد الشتاء والسمومي
واللي ردي مسمته هزبتله
ياخضير ماحيٍ حياته تدومي
ولا كل من حصل حصيلٍ حصله
العشب لو خضر تجيه السمومي
يابس ولو ان السحايب تعله
يالله ياغفار وانت الرحومي
ترحم لعبدٍ منك خوفه وذله
ليست هناك تعليقات:
إرسال تعليق