أبيات من الشعر الشعبي صارت. أمثال

 يحفل الشعر الشعبي في المملكة وخصوصا القديم منه وقليل من جديده بأبيات سارت مسار الامثال ويرددها الناس في مجالسهم ويستشهد بها في بعض المناسبات .

وقد حققت هذه الابيات شهرة واسعة وهي ابيات من قصائد تختلف اغراضها ولعل ما تحمله من معانٍ جميلة واهداف تدور في مجملها في اغراض الحكمة والتجارب وسلاسة اكثرها جعلها تحقق ذلك الانتشار والذيوع ومعظم تلك الابيات لشعراء كبار لهم مكانتهم الادبية لدى متذوقي الشعر الشعبي الاصيل وهي اكثر من ان تحصى لكننا في هذه العجالة سنورد بعضا من تلك الابيات الشهيرة:

ترى العيلان إلى كبروا يا جود اللي يغني روحه

حميدان الشويعر

فكرت والمكتوب ما فيه حيله وليت الليالي علمتني بالاقدار

سليمان بن حاذور

يامل قلبٍ دابلٍ كبد راعيه قام يتلالا مثل شمس المراتي

ضاري الرشيد

يمنىً بلا يسرى تراها ضعيفه ورجلٍ بلا ربعٍ على الغبن صبّار

ابن سجوان الرويس

ياعل قصرنٍ ما يجي له ظلالي ينهد من عالي مبانيه للساس

محمد السديري

ثوبي ولوحدّه على الساق ورهيف يازين ملبوسه ولو هو لفافه

إبراهيم بن جعيثن

من جاد ساد ومن يشح بحلاله ماأدرك مرام ولاصعد مصعدٍ عال

محمد القاضي

الحنظلة لو هي على شاطي النيل زادت مرارتها القديمة مراره

عبدالله اللويحان

من لا يدوس الراي من قبل ما ديس عليه داسوه العيال القرومي

تركي بن حميد

ياما حلى الفنجال مع سيحة البال في مجلس ما فيه نفسٍ ثقيله

راكان بن حثلين

من شق ستر الناس شقوا استاره ومن ضحك بالثرمان يضحك بلا سن

شالح بن هدلان

كل شيٍّ غير ربك والعمل لو تزخرف لك مرده للزوال

محمد بن لعبون

لا تمدح الرجال من غير تجريب كم واحدٍ مثل الزبد يضمحلي

عبدالله بن صقيه

باقي من الذكرى رسومٍ للاطلال هوج الرياح العاتيه ما محتها

عبدالله السلوم

العبد ما له من حتوف المقادير واللي كتب لو هو بصندوق زاره

عبدالله بن ربيعة

ما قل دل وزبدة الهرج نيشان والهرج يكفي صامله عن كثيره

راكان بن حثلين

المدح لو يشرى شريناه بأكياس بأرواحنا نرخص ندور الستيرة

دباس الدباس

يا كليب شب النار يا كليب شبه عليك شبه والحطب لك يجابي

دغيم الظلماوي

اضحك مع اللي ضحك والهم طاويني طية شنون العرب لا سرّبو ماها يا الله عسى ما تكره النفس خيره ياوالي الدنيا عليك التدابير

الشاعرة الدقيس

اللي يبينا عيت النفس تبغيه واللي نبي عجز البخت لا يجيبه

نورة الحوشان

قصة ساجر الرفدي العنزي و جاره خليف

 وهالقصة بعد وهي من طرائف القصص اللي صارت للشيخ ساجر الرفدي ..

من القصص والعلوم اللي صارت لساجر الرفدي مع رجل اسمه خليفوالسالفه ، أن خليف رجال مشؤوم وماهوب موفق وكرهوه جماعته وشد عنهمهو وامه وجاوروا الشيخ ساجر الرفدي وكان شهر رمضان هاك الوقت ، الوكادوطلعوا للمقناص والشيخ ساجر عنده طير اسمه حطاب وكلب سلوقي تكرموناسمه خطاف ويوم انه يراهي الشيخ ساجر لها الارنب وهو يهد الطير عليهويحده يمين شمال وياكود خليف يقمز ويزهب بندقه وهو يرمي الارنب الا هومصوب الطير وغدى ميت ، ويسكت ساجر شوي ويكتم زعله ، الوكاد ويراعيلهارنب ثاني ويهد السلوقي عليه وهو بعد يحده والا خليف يرمي هالارنب الا هومصوب السلوقي واذبحه وزعل الشيخ ساجر وخلى المقناص وعوّد ، ويم رجعخليف لامه سولف عليها باللي صار له مع الشيخ ساجر وتشور امه عليه وقالتله ياوليدي ياخليف رح وحب راس الشيخ ساجر وتعذر منه ، الوكاد وينصىخليف الشيخ ساجر ويم جاه لقاه شاب ناره ومقلطن دلاله ومزهبن السبيلالعظم اللي يمزون به التتن ، وكان الشيخ ساجر متحرين الفطور لانه بشهررمضان ، وقاله خليف أنه ماكان بنيته يصير هالشيء وانه يبي يعتذر وسامحهساجر والا خليف جا بيحب راس ساجر والا هو ياطا على التتن ويكسره وعفرهبالتراب وزودن عليها ينشب البشت بالدلال ويقلبها على النار ، وعقبها ساجرانجن والشيخ ساجر شيخ وولد حموله وماتطلع الكلمة الشينه منه ، الوكادقال لخليف يا خليف خذ ماتبي من البل وشد عني تراه ازين لي وازين لك ،وضاع على الشيخ ساجر حطاب وخطاف وتتنه ودلاله وعقب ماشد خليف منيمه وهو يقصد الشيخ ساجرالرفدي قصيدته :

البارحة يا خليف عزي لحالــــــي

،،،،،،،،،،،،،،،،،،،،،،،،،مضيت أن ليلي حزين ومحتـــــــار

أمر جرى ما مثله جرالــــــــــي

،،،،،،،،،،،،،،،،،،،،،،،،،يا تقل توقد بالضماير لهب نـــار

تعوكست ياخليف باول وتالـــــــي

،،،،،،،،،،،،،،،،،،،،،،،،،من خلقت البدوان ما مثلها صـــار

من خلقتي ما شفتها بالليالـــــي

،،،،،،،،،،،،،،،،،،،،،،،،،اربع مصايب خايبه لوعني من الجار 

الاوله حطاب يسوى العيالــــــــي

،،،،،،،،،،،،،،،،،،،،،،،،،اشقر ديم لابرق الريش نثـــــــار

والثانيه خطاف ماله مثالـــــــي

،،،،،،،،،،،،،،،،،،،،،،،،،شره على تيس الجميلة الى نــــار

والثالثه سويت بصفر الدلالــــــي

،،،،،،،،،،،،،،،،،،،،،،،،،وقصرتها وفاحت علي بن وبهـــــار

والرابعة بالعظم تتن الشمالــــي

،،،،،،،،،،،،،،،،،،،،،،،،،وافلست منهن عند حزات الافطــــار

لكن  كان جتني قوم وافنت حلالـــــي 

،،،،،،،،،،،،،،،،،،،،،،،،،اصبر على مر الليالي والاعــــزار

من صرت أنا مهزابة للرجالــــــي

،،،،،،،،،،،،،،،،،،،،،،،،،وياما كسبت من العدا جل وابكــار

والعمر يفنا وآخـره للزوالـــــي

،،،،،،،،،،،،،،،،،،،،،،،،،والحظ يلقى عند حصات الاوبـــــار