قصيدة في الكرم مبارك بن عبيكه بن رمال

 وهذه القصيده الرائعه .. لمبارك بن عبيكه بن رمال 

قم يالمقهوي دن نجر ومحماس 
............واحمس لنا من حب صنعا نماها 
احمس وزين حمسة البن بقياس 
..............دقــه ولقمهـا وعـجل سواهـا 
وصبه لممرور على الخيل مدباس 
..............تقفي عنه صم الرمك لانصاها 
من فوق ماتاخذ على الخيل مرواس 
,............لاجدعت خبثات الانفس حذاها 
واثنه لمن حوله على الزبر جلاس 
..............اهل السموت اللي بعيد مداها 
ابن عبيكه هرجته مابها باس 
..........تطرب لها كرام اللحى من حلاها 
طول الجدار وقصرة الرجل نوماس 
............لا صار ما للرجــل داع دعاهــا 
تصير بعيون الرفاقه معك باس 
.............لاصار ماتدعى تره من عناها 
يصير قالات ويصير لولاس 
.............ونوبن من الادنين ياتي بلاها 
قلبك يصير ويضرب القلب عوماس 
...........والنفس تقدح عقب زايد غلاها 
خلك على بابك تقل لون حراس 
.............لاجو عليهن محترين عشاها 
لاجن مع الخل الشمالي لها اضراس 
...........والكل تشكي رجلها من حفاها 
نرحب بهم من قبل تجديع الالباس 
..........ونقلط لهم تمر الحلا من نماها 
ونذبح لهم كبش مربى بالاطعاس 
...........ونقلطه من قبل يقرب مساها 
هذي سلوم جدودنا قبل من راس 
..........واللي بعدنا كــان ربي هداهـا 

قصيدة مدوخ بن ضمنه المطيري البن كيفه عند من يشترونه

 البـن كيـفـه عـنـد مــن يشتـرونـه 

الطيـب الـلـي جابـهـا مــن بلـدهـا 

يــا حامسـيـن الـبـن لا تحـرقـونـه

داروا على الحمسه يعدي صمدها

 
حـتـى يجـيـك محـمـر تـقـل لـونـه

بـزة جـرادة طالعـة مـن جسـدهـا 

عـده علـى اللـي لابتـه يدهلـونـه

لـه ربعـة مـن قـام منـهـا حمـدهـا 

وأثنـه علـى اللـي بينـات أطعـونـه

الخيـل يركبهـا الوعـر مـع سنـدهـا 

وصبـه علـى اللـي لابتـه يتبعونـه

مـع دربـه الخلـفـاء تضـيـع ولـدهـا 

وعده عن اللي واقف وسط شونه

ليـا بـاع شاتـه حافظـلـك عـددهـا 

وسـط الجمـاعـة طـايـرات عيـونـه

في كل يومن يحتسب في وعدها  

قصيدة محمد العبد الله القاضي في القهوة

 من أشهر قصائد القهوه قصيدة محمد العبدالله القاضي التميمي 

وقد قالها إرتجاليه يقول فيها :ـ



يـامـلّ قـلـبٍ كلـمـا الـتـم بالاشـفـاق
مـن عـام الاول بـه دواكيـك وخـفـوق 
كنـه مــع الــدلاّل يجـلـب بـالاسـواق
وعامين عن معـزّل الوسـط ماسـوق 
يجاهد جنودٍ فـي سواهيـج الاطـراق
ويكشـف لـه اسـرارٍ كتمهـا بصنـدوق 
الى عن لـك تذكـار الاحبـاب واشتـاق
بالك وطـاف بخاطـرك طـاري الشـوق 
دنيـت لـي مـن غـالـي الـبـن مــالاق
بالكـف ناقيهـا عـن الـعـذف منـسـوق 
احمس ثلاثٍ يـا نديمـي علـى سـاق
ريحه على جمر الغضا يفضح السوق 
وايـــاك والـنـيـه وبــالــك والاحــــراق
واصحا تصيـر بحمسـة البـن مطفـوق 
الى اصفـر لونهـا ثـم بشـت بالاعـراق
صفرا كما الياقوت يضـرب لهـا المـوق 
واعـطـت بـريـح فـاخـر فـاضـح فــاق
ريحه كمـا العنبـر بالانفـاس منشـوق 
دقــه بنـجـرٍ يسمـعـه كــل مشـتـاق
راعي الهوى يطرب الـى دق بخفـوق 
لـقــم بـدلــة مـولّــع كـنـهـا ســــاق
مصـبـوبـةٍ مـربـوبـةٍ تـقــل غــرنــوق 
خلـه يفـوح وراعــي الكـيـف يشـتـاق
الـى طفـح لـه جوهـرٍ صـح لــه ذوق 
أصـفـر قـمـوره كالـزمـرد بالاشـعـاق
وكبارها الطافـح كمـا صافـي المـوق 
زلّها علـى وضحـا بهـا خمسـة ارنـاق
هيـلٍ ومسمـار بالاسبـاب مسـحـوق 
مع زعفرانٍ والشمطري الـى انسـاق
والعنبر العالي علـى الطـاق مطبـوق 
فـيـلا اجتـمـع هـــذا وهـــذا بتـيـفـاق
صبه كفيت العـوق عـن كـل مخلـوق 
بفنجـال صيـنٍ زاهـيٍ عـنـد الارمــاق
يغضي بكرسيه كما اغضـاي غرنـوق 
الى انطلـق مـن ثعبتـه تقـل شبـراق
رنـقٍ تصـوّر للحمامـه علـى الـطـوق 
شكّـل علـى الفنجـال لونـه الـى راق
دم الغـزال الـى انمـزع منـه معـلـوق 
خـمـرٍ الــى مـنـه تـسـلـل بـالاريــاق
وعليه من مـاء صافـي الـورد مدلـوق 
راعـيـه كـنّـه شـــاربٍ ريـــق تـريــاق
كاس الطرب وسرور من ذاق له ذوق 
يحتاج من خمـر السكـارى الـى فـاق
طفـلٍ تمـز اشفـاه والعـنـق مفـهـوق 
عـبـثٍ يعـيـل بحـبـةٍ مــا بـعـد مـــاق
وهـو يـزاهـي بـاهـر الـبـدر بشـعـوق 
بيـن اشفتـاه الـى غنـج حقـاق بـرّاق
عجـلٍ رفيفـه باطنهـا الـفـرج بطـبـوق 
سطرٍ كتـب مـن حبـر عينـه بـالاوراق
خـديـه صـاديـن ونونـيـن مــن فــوق 
كـنّ العـرّق بخدودهـا جـمـر الارنــاق
ينثر علـى الوجنـات باللـون معشـوق 
الا ابتـسـم شــعّ واشــرق بـالافــاق
نـوره يفـوق الـبـدر سـحـرٍ ومنـطـوق 
بالعنـق كـنّ المسـك والــورق بــرّاق
شخـصٍ بصـدره وذا الشـاخ مـدقـوق 
يمشي برفـقٍ خايـفٍ مدمـج السـاق
يفصم حجولٍ ضامها الثقل مـن فـوق 
الى حصل لك ساعـةٍ وانـت مشتـاق
اقطـف زهـر مـالاق والعمـر مفـهـوق 
فيـلا حضـر ماقلـت عنـدي فــالارزاق
بـيــد كـريــمٍ كـافــلٍ كـــل مـخـلـوق 
وصـلاة ربـي عــدد مــا بــارقٍ حــاق
على النبـي الهاشمـي خيـر مخلـوق 

قصيدة زيد الخوير فنجالها لشف بين الاشافي

 https://youtu.be/0rkr180VuLk

نبدأ بزيد بن سلامه بن خوير أمير قفار :ـ


قـال الـذى يبـدع علـى كـل قافـى
مـن ظـامـره يـاتـن أريــام موالـيـف 
بمنومـس لقـم علـى بكـر صـافـى
عليه من شغل بن سكـران توليـف 
خلـه الـى ماتونـس الـنـذل غـافـى
وقــرب ادلال مـثـل بــط مـهـاديـف 
ادلال مـا عنهـن سنـا النـار طـافـى
بوجـار مـن لادونهـن بابـهـن جـيـف 
امبـرهـج تسـفـا علـيـه السـوافـى
من خلقته ماطق فى ركزة السيف 
واحمـس ولقـم بالعجـل يالسنافـى
بشاميـة طـرف لهـا الجمـر تطريـف 
حماسها قرم مـن الغـوش شافـى
دايـم يقلبهـا حريـص علـى الكـيـف 
وزله وصفه عن سريـب المصافـى
من خوفة احد قال بالكيـف ياحيـف 
كنـه ألــى مـنـه غـشـاه الرعـافـى
نثر الذهب من فوق لوح المشانيف 
وأبهـارهـا مــن يـمـة الهـنـد لافــى
فـى مركـب يقـداه زجـر العواصيـف 
فنجالـهـا لاشــف بـيـن الأشـافــى
ياتقل يجذب من شفا شاربه شيف 
وان كـان تزمـل مـن طيـور هوافـى
بيض فسـد افواههـا بأشقـر الليـف 
صبـه لمـن يثنـى خـلاف المقـافـى
يوم الفرنجى يقـذف الملـح تقذيـف 
الـلـى اذا غلـيـت شـراهـا جـزافـى
مـا أرطلـه عـنـد الدلالـيـل بنصـيـف 
ونفـل بهـا الـلـى بالـمـروات وافــى
مــادور التـجـرات بــه والمـصـاريـف 
ياسـمـع مـنـى اعـلــوم تـشـافـى
خذهـا مـن اللـى نافـل كـل عريـف 
دنـيـاك لوتضـحـك تـراهــا بـخـافـى
تـبـرم دوالـيـب الشـقـا والتكـالـيـف 
انهب منه من قبل مـا العمـر يافـى
صـيـور ماتقـفـى ركـابـك مواجـيـف 
صـيـور عـمــرك نـاهــج لـلـذلافـى
سـمـر الليـالـى تكمـلـه بالتتالـيـف 
والياحصـل عـز مـع الكـيـف كـافـى
مانى على الدنيـا كثيـر التحاسيـف

قصيدة عزي لحالك يا عــزيــز وانا بوك. * سليمان بن شريم

 يامل عين في محاجيرها شوك

والصدر به عن لذّة النوم دكاك

لادك في قلبي من الهم داكوك
جاوبت طربات الحمايم على الراك

عزي لحالك ياعزيّز وانا ابوك
كان الزمان اللي وطاني توطاك

تراه ما ينفعك خالك ولا اخوك
لا صار ما تقضي لزومك بيمناك

وربعك ليا بان الخلل فيك عافوك
اقرب قريب لك من الناس يشناك

ان كثر مالك صدّقوا لك وطاعوك
وان قل ما بيديك شانت حلاياك

لو تطلب الماء عندهم منه ما اسقوك
ابعد مزارك عن وطنهم ومرباك

وان طاب حظك .. قرّبوا لك وحبوك
وان باربك محد يبي غير فرقاك

وهراجة المجلس الى جيت وروك
منازل تطرب نظيرك بدنياك

والى قضوا منك اللوازم وخلوك
تفرقوا وانت احتمل كل ما جاك

كنك سراج البيت .. للنور شبوك
والى انقضى اللازم حدا الربع طفاك

والى جفوك اهل الوطن واستخفوك
قلع غريسك منه واهدم ركاياك

تراك لو ترجع على الرجل صعلوك
احسن من اللي تلتجي له ويا طاك

واصحى لخلان الرخا لو تغالوك
اعرف ترى اطيبهم ليا احتجت يجفاك

تصبح خوي امقيط دهووك واغووك
وكل عطاك ارشاك واقفا وخلاك

واحذر عن العيله ترى الحق مدروك
مثل القضاء يدركك ما منه فكاك

واحلم على الجاهل ترى الحلم مبروك
وقم للضعيف اللي من الظلم ينخاك

وقم للضيوف اللي عنولك وضافوك
واغلا كرامتهم حجاجك وبشراك

واعرف ترى مالك من الضيف مفكوك
لولاه يطلب حاجته منك ما جاك

تمت الاضافة بواسطة:سالم ال فروان

https://youtu.be/aKNKelQ4SqQ

علاج الظهر والمفاصل طب

 علاج الدسك والركب

القبار  توضع مقدار من الدقيق

ويوضع مقدار قليل من مسحوق لحا  القبار  من  ٥ ملي قرام  ولا يزيد عن عشرةملي  قرام. وبعد العجن تفرد العجينة على موضع الألم على مكان الالم  لا تتركالعجينة مدة طويله. ثم تشال العجينة ويبرد مكانها بزيت الزيتون ( ٣ دقيقة ). مره أو مرتين في الاسبع

https://youtu.be/pExz8fQLwV0

قصيدة مدغم ابو شيبه الجمل والعبد والسيل والداب

والله مايكبر في عيون الرجاجيل

الا مواقيف الرجال العظيمه ..

و الا الردي دايم ردي مثل ماقيل

راس ادمي واللي تشيله بهيمه ..

عنز على الله ثم على صفوة الجيل

الطيب الطيب ياماآآل الغنيمه ..

لا تلتفت على اهل القال والقيل

اللي يشيلون الرجوله ظليمه ..

ترى الجمل والعبد والداب والسيل

لازم ثقتك تكون فيهم عديمه ..

الحق في مانزل الله لجبريل

على الرسول اللي رضع من حليمه ..

واللي مع الساحر حمامه ومنديل

اول خيوط الفاحشه والجريمه ..

افلح ترى تالي النهار اول الليل

تماكن الفرصه وذب الخريمه ..

ورجل يشح بجاهه ووجه بخيل

ويمنى تبادر في المكارم كريمه ..

غنيمة ترقى بها الجدي وسهيل

وغنيمة منها السلامه غنيمه ..

وخسارة يطلع وراها محاصيل

الذ من فوز بطعم الهزيمه ..

النفس تقبل مثل ماتقبل الخيل

وتصد لو ان النعم مستديمه ..

شي تخافه من عقوبه وتنكيل

وشي تعافه من كرامه وشيمه ..

لو كان تضحك من كلام المهابيل

لابد تبكي من دموع اليتيمه ..

والوقت نفس الوقت مافيه تبديل

يمضي وينسخ لك جديده قديمه ..

تكثر بركته بالدعاء والتهاليل

وتقل من قل النوايا السليمه ..

ودك ترجى لك سراب وتماثيل 

طرقي ووقتك قيظ وارضك وخيمه ..

ولا تدور حاجتك عند دعبيل

خبل يرز نفيسته في خشيمه ..

لو ان ما الله فضل الناس تفضيل

لافضل الاشجار معنى وقيمه ..

الناس منها الفود مهوب بالحيل

والاشجار منها الفود حتى الهشيمه ..

.

.

القصيده للشاعر / مدغم ابو شيبه 

.................

https://www.al2la.com/vb/t43304.htm