قصيدة حميد فرج الله

‏*الراي يبغاله رجل ، والحمل يبغاله جمل

‏والطيب يبغاله رجالٍ ماتصرفلوسها

‏والسر يبغاله ثقه ،والاخره تبغا  عمل

‏وانا تعلمت الحياة اللي حفظت ادروسها

‏ياكثر كرهي للعفون اللي مثل شغل النمل

‏اللي تجمع للوريث ولاتسر انفوسها

‏وياكثر حبي للرجال اللي يلمون الشمل

‏اللي يصادمها الزمان ولا يلين روسها

قصيدة مسعد

‏ي حبني لأهل السلوم الطريفه

‏اللي مجالسهم بها زود تشريف

‏ما منّهم  من يوري الضيف حيفه

‏يفرحبهم قومٌ  نشامى مواليف

‏يا طيبهم  هل العلوم الشريفه

‏ريف الذي ضاقت عليه المحاريف

‏هم عزوتي قوم القلوب النظيفه

‏و أن حكموهم  زودوا بالمصاريف

‏الراوي مسعد المطيري

قصيدة ذعار بن ربيعان في القهوة

من اجمل ماقيل في القهوة.

الشاعر ذعار بن مشاري بن سلطان بن ربيعان من فرسان قبيلة الروقة عتيبةلقب ب #المحرول 

لا ضاق صدري من همومٍ تولاه

وزاد العماس وقام صدري يفوحي

أنا بلاي اللي على الرب مشكاه

اللى محرولني وانا ازريت أروحي

لولا شراب العظم يوم أني أملاه

اكويه بالجمره ويكوي جروحي

مع دلةٍ صفرا على النار مركاه

أبصر بصبتها على كيف روحي

فنجالها يشدي خضاب الخونداه

الجادل اللي عند اهلها طموحي

لا اطق طقت محة البيض بخباه

لا قام هاجوس الضماير يجوحي

يا مكيف الفنجال خصص هل الجاه

راعي الجمايل قبل قنن قموحي

صبّه لمن هو تنثر الدم يمناه

يثني جواده عند راعي اللدوحي

والثاني اللي ما اتوانى مطاياه

يضوي إلى صكت عليه النبوحي

وعدّه لمن عوص النجايب تنصاه

ريفٍ لهن لا جا الزمان اللحوحي

دب الدهر يضحك حجاجه لمن جاه

وقت المعاسر مارد ٍ ما يزوحي

وباقي الرجال فحول نسوان ورعاه

ضباط مال وحافظين السروحي

وراعي الردى ما احدٍ إلى مات ينعاه

لا صار محرومٍ جبانٍ شحوحي

قصيدة في القهوة مدوخ ابن ضمنه

الشاعر /مدوخ بن ظمنه في وصف القهوة
حيث أن القهوة العربية لها مقام عند أهل الجزيرة العربية سواء من بادية أو حاضرة، فكثيرا من الشعراء قصد وتفنن فيها، كيف لا وهي أول من تقدم للضيف، وشاعرنا مدوخ بن ظمنه له هذه القصيدة الجيدة في القهوة ونظرا لأنها موجودة في كثير من الدواوين ولشهرتها أوردها لكم، وهي وصف القهوة وكيفية عملها ومن يستحق أن تقدم له 

البن كيفه عنـد مـن يشترونـه
الطيب اللي جابهـا مـن بلدهـا
يا حامسيـن البـن لا تحرقونـه
داروا على الحمسه يعدي صمدها
حتى يجيك محمـر تقـل لونـه
بزة جرادة طالعة مـن جسدهـا
عده على اللي لابتـه يدهلونـه
له ربعة من قـام منهـا حمدهـا
وأثنه على اللي بينـات أطعونـه
الخيل يركبها الوعر مع سندهـا
وصبه على اللي لابته يتبعونـه
مع دربه الخلفاء تضيـع ولدهـا
وعده عن اللي واقف وسط شونه
ليا باع شاتـه حافظلـك عددهـا
وسط الجماعة طايـرات عيونـه
في كل يومن يحتسب في وعدها 

أمرأة حكيمه البنت والمأمون

كان المأمون يمشي على مقربة من خيام بعض الأعراب (المعروف عن الأعراب وسكان البادية أنهم أفصح العرب لأن لغتهم سليمة لم يخالطها شئ)

رأى فتاة في العاشرة من العمر تحمل قربة ماء ثقيلة والقربة تميل وينسكب الماء منها فصاحت الفتاة 

يا عمي (الحق فاها  ,غلبني فوها , لا قبل لي بفيها )

و فو من الأسماء الخمسة التي ترفع بالواو وتنصب بالألف وتجر بالياء

أعجب المأمون جدا بفصاحة الفتاة الصغيرة فقال لها : ما أفصحك يا فتاة

فردت البنت عليه : يا عم وهل ترك القرآن لنا فصاحة هناك آية في القرآن فيها خبرين وأمرين ونهيين وبشارتين

قصيدة عبد ابن هذال . مسعود

قال مسعود عبد مشعان الهذال هذه القصيدة 
بعد رحيل عمه الشيخ مشعان الهذال 1238هـ الى الشمال . 
يتوجد عليه وعلى ربعه العمارات من عنزة .




أمس العصر عديت في راس ملموم
رجمٍ طويل بشامخ الحيـد زامـي 
رجمٍ طويل بعالي الحيـد مزمـوم
تلعب به الأرياح شـرق وشامـي 
رجمٍ طويل ولايوكّـر بـه البـوم
غير العقاب الصيرمي والقطامـي 
قلبي عليل وصايبه غـم واهمـوم
عزّي لحال اللي طـواه الهيامـي 
غديت مثل اللي على الوجه ملطوم
من عقب مروين النمش بالزحامي 
أبكي هلي يانـاس مانـي بمليـوم
وأظن من يبكـي هلـه مايلامـي 
ماهو على غروٍ من الدق ماشـوم
على الشيوخ متيهيـن الجهامـي 

علميبهم شدوا من الواد أبو دوم

مستجنبين  مطيرات العسامي
من طاوع الثنتين يصبر على اللوم
يصبر على فرقا الأهل والعمامـي 
عفت الرقاد وحاربت عيني النـوم
وأبديـت ماكنيـت مانيـب كامـي 
أقفوا وخلوني على الدار موسـوم
وغديت مثل اللي غشـاه الكتامـي 
على ركايا الرّس جلسـت ملـزوم
عليه مـن ورد البـوادي ركامـي 
وأحن من الوجلا حنين أم خرطوم
والصبح أجاوب نايحات الحمامـي 
علمي بهم بقصّيـرٍ قبله التـوم
تغـاروا المعبـار والشـط زامـي 
اقفوا كما طيرٍ قلب راسـه الحـوم
بهيّفيّـة ماينـدرى ويـن حامـي 
أدنـى منازلهـم شثاثـا ولملـوم
وأقصى منازلهـم دحـيّ النعامـي 
وجيت المراح وذكّرن كل صاروم
منـازل الخـلان هـم والعمامـي 
وهذا مشب النار والحفـر مثلـوم
ومركى الدلال المتعبات الشوامـي 
هذي مرابط خيلهـم دايـم الـدوم
حقب العيون مروبعـات الهوامـي 
يركب عليهن باللقا كـل شغمـوم
من اللابة اللي ماوطـو بالملامـي 
ياركـب يامتّرحليـنٍ علـى كـوم
ياللي بكم عيرات الأنضى همامـي 
إلى لفيتوا ديرة أصحاب من قـوم
احكوا ترى حمض الرجال العلامي 
ودوا سلامي عد مافات مـن يـوم
بكتـاب منـي للوجيـه الكرامـي 
بسجلةٍ صفحه من الحبر مرشـوم
يم العمام أنهيـت غايـة كلامـي 
تلفون عمـي للمناعيـر زيـزوم
(مشعان) ستر معورجات الوشامي 
ياعم يامدب هـل الكبـر والـزوم
يامروي حدود النمش والحسامـي 
تتليك بالممشى جهامـة وداهـوم
أولاد وايـل كالجـراد التهـامـي 
إلى صاح صياح من أعداه مضيوم
وردو حياض الموت ورد الظوامي 
كيف الظعون بداركم كنها أغيـوم
وأنتم تروون النمـش بالزحامـي 
وادي الرمه غدابه العشب كيهـوم
ترعى به القطعان والرمي حامـي 
تنحاهم الصفراء على حزم ديهـوم
لياما تعدوا قـود خـب العدامـي