هذه القصيدة سبق
وأن قلتها في حفل تعيين (الشيخ عقاب بن محمد بن شلاح )شيخ شمل الشلالحة من
مطير محل ابوه ويستاهل البيضاء غلام يحوشها وهي هدية لأبن شلاح والاعضاء في
المنتدى
حكامنا ال سعود ماهو حكم شله
---------------------------------------
سـلام يـالـحـضـار والحـــفـل كلــــــه ***** تحية الأسلام للحضار نــــــــهديها
يـارب يـامـعبـود عـاون هــل الملــــه ***** اللي على الاسلام رب الناس هاديها
الشـعـب واحـد والـوطـن مـدهـل الــه ***** اهل الجزيرة تفتخر فـــي بواديها
وصار الوطــن مصــيـون من كل عله ***** والمملكة كل الدول تقتدي فيهــــا
ومهـد الـذهـب ومحافـظه عـزوة الــه ***** رجل الحكومه والامانه عند راعيها
وكل المراكز فزعته وانــتم فزعتلـــه ***** والخير عم المنطقه وعم أهاليها
يستاهل العود والــفنـجال والدلــــــه ***** حماي للواجب والقبائل يراعيها
ومطير هل الطيب وتحامي عن الحله***** مع كلمة التوحيد تبقى بواقيها
رجالهـــم بالـطـيـب وافـي ما تملـــــه ***** هل السيره الحسنه تا خذها وتعطيها
وشـلاح شرابـة الماح ما تقـبل الذله ***** على عدو الدين تبقى بواقيها
وذخر القـمـيشي في الشرف مرتكله ***** وان كبرت القاله ياطى مواطيها
وهـذا عـقـاب الـصـيـرمي في مـحله ***** شيخ القبيله راقين في مراقيها
عيـنـته الـدولـه مـن خـبـرة الــــــــه ***** موروث ابن شلاح ماقال اخليها
يا نـعـم ابـن شـلاح فـي مـوقـف اله ***** رجل القبيله رابيا في مرابيها
الـبـيـت مـرفـوع والـقـبـايل تدلـــــــه ***** واللي يود الطيبه يبدي مباديها
مـن ضـيـع الـمـوروث واعـزتلـــــه ***** تكبر عليه وتتعبه في بلاويها
الــحـق واضـح بالـنـظـر والادلــــــه ***** ياناشدين المعرفه هذي حراويها
تـاريـخ مـكـتـوب وسـط الـسجلــــــه ***** ما مات ابن شلاح عانوا مواريها
والـــمـلك لله والـردى مـــــــا نشـله ***** بالحجه البيضاء نعرف شواريها
قـلـتـه وانا مـطيـري من بني عبدله ***** وكل القبايل وافيه في معانيها
وصلاة ربي عـد ما هـل الأهـــــــله ***** على هادي الامـــــــــه وداعيها
——————
أخوكم مسعد ابو ساره
