قصيدة . البنت

البنت بنت ( مطير) خيرالبناتي
بنت الأصول اللي لها كل تقدير

عــدوها نسقيه ســمَ السعاتــي
نقضي عليه ولا يجيي فيه تقرير

ما دنست في عرضها بالحياتي
ولا همها كثر السفر والمشاوير

ومحصنــه بالعز ضد العداتــي
ما حسبت لأهل الردى والتثاوير

ورجالها ما قال ويش السواتي
من طيبها ترعى عياله بتدبير

ما به خلاف ولا يجيهم شتاتي
ومدبره ما خسرت بالفــواتير

ومطير فيهم خير ربعي عزاتي
و وجيههم بين القبايل مسافير

وأن عاهدوا يوفون شئياً ثباتي
قول صحيح ولا نبي فيه تبرير

مسعد المطيري 20/2/2014

قصيدة . يامتعب نفسه

يامتعب نفسه على غير مصلوح
...... النفس خالــف رايــها فـي غضبها
خلك كريم الوجه والصدر مشروح
...... وأبعــد عــن اللي كــل كبد دبلها
مر الجواب ودوم فالناس مفضوح
...... ياتي بكلمه مــا عــرفنــا سببهـا
متوســط بين العرب كنــه اللــوح
...... دايــم بغيض وكلمته ما حسبهــا
وعليك باللي خـوته تنعش الروح
...... من ربعــة بالحيل غالي نسبهــا
يعطيــك فكــره غاليه كلهــا بوح
...... وتبعد عن اللي باقية في نشبها

شعر مسعد المطيري

قصيدة . وش هقوتك

وش هقوتك باللي سرى تالي الليل = مـتـنحــرٍ درب الـمهـالك الـحـالـه

يوم انهـا كـثـرة عـلـيـه الغـرابـيـل = والصدر ضاق وخبث الوقت باله

وضاقت به الدنيا ولاعـاد به حـيـل = وزاد الحزن والقلب زاد اعـتلاله

حمل فـراشه والعـزب والمعـامـيـل = واركى على جيبٍ يسابق اظـلاله

يبي ديارٍ أمـس قـالـوا بهـا سـيــل = يبي نـفــودٍ حـايـر الـمـاء بجـالـه

يبي يتعـلى عـله يشـاهـد اسهـيــل = يـبـي يـنـادم كــل نـجــمٍ بــدالــــه

ويبي يولِع مـثـل نـار الـمحـافـيــل = في راس طعـسٍ يتعِب اللي رقالـه

ويبي يبهـر دلته باخـضـر الـهـيـل = ويبي يـفـوح فـوق الارطـى دلالـه

ويبي يغـني بالـلحـن والـمواويــل = ويبي يبـدد بالـصـحـاري اهـبـالــه

وإلى صفى راسه بـدا بالـتهـالـيـل = وسبح بحـمد الله وخـلـى الجهالـه

ولا احـدٍ معه يفك الاطناب ويشيل = ولا احـدٍ يـزود بالرحيـل انـفعـالـه

لطاب شفه من هـوى البر بالحيـل = يرحـل على كيفه متـى ما طـرالـه

ياكـثـر مانـبغى ولامـن محـاصـيـل = ماكـل مـن يـبـغـى لـشـيٍ يـنـالـــه

هـذي أمانـي والامانـي تـعـالــيـــل = تـسـلى بهـا نـفـسٍ تعـثـر مـنـالـه

احمد بن عبدالرحمن العريفي
(نديم المجره)

دعاء تحصين النفس

دعـــــــاء تحصيـــــن النفـــــس:
اللهم اني اعوذ بك من ساعه السوء و يوم السوء و ليلة السوء و صديق السوء و جار السوء .
و اعوذ بك من ذو الوجهين و ذو اللسانين .
و اعوذ بك من ابليس و ذريته و شياطينه .
و اعوذ بك من الحديد و الحريق و الطريق و ساعة الغفله .
ربنا عليك توكلت و انت رب العرش العظيم .
 اللهم اني حصنت نفسي و اهل بيتي جميعا بالحي القيوم الذي لا تاخذه سنة ولا نوم و دفعت عني و عنهم السوء بلا حول ولا قوة الا بالله العلي العظيم .
اللهم إني أعوذ بك من بكاء يرهقني ، وهمّ يفجعني ، اللهم اجبر خاطري ، واشرح لي صدري، استغفرك ربي من گل الذُنوب و الخطايا .. ربي لا تكسر لي قلباً ولا تصعب علي أمراً ۆلا تحرمني من تعلقت به الروح واحفظ لي عائلتَي وأحبتي ۆمن أراد الخير لي .
ﺂللّھٌم امين يا رب العالمين ..اللهم ارفع مقام أحبتي كما رفعت السماء وزين قلوبهم بنور الايمان في الليلة الظلماء وأجعلهم في دنياهم وأخرتهم من السعداء .
 اللهم أني أسالك باسمك الاعظم ان تعطيهم من خيرك أكثر مما يرجو وتكفيهم من الشر اكثر مما يخافوا وسخر ملائكة لهم من عندك وجنود في الارض وعظمهم في قلوب خلقك وأرفع ذكرهم وضع عنهم وزرهم واسعدهم فأني وعزتك اعزهم - اللهم امين يا رب العالمين -
اللهم صل وسلم وبارك على سيدنا محمد وعلى آله وصحبه ، صلاة عبد قلت حيلته ، ورسول الله وسيلته وأنت لها يا إلهي ولكل كرب عظيم ، ففرج عنا مانحن فيه بسر أسرار بسم الله الرحمن الرحيم .- تحياااااااااتى ---

الأنسان والحيوان

لولا العقول لكان أدنى ضيغم
أدنى الي شرف من الأنسان
أن أبا الطيب المتنبي يعلم
أن الفرق بين الأنسان والحيوان
هو العقل .فماذا صنعنا بعقولنا ؟

لا عقيدة أسمى من الحقيقة

فضلا ضع الرابط في المستعرض

http://www.maaber.org/last_issue/index.htm

قصيدة . يالعين لا تبكين

يا عين لا تبكين … والحب فضاح
تصبــري … للــي نــوده ونـغليـه

تــرى الهــوى غرر قديمٍ بوضــاح
وأصبــح قتيــل وكاثــرات بلاويــه

ما لوم من يبكي على غاليٍ راح
لــكن محبوبــي.. كثيــرة طواريــه

ماكنــي .. الا جــالس عنـد جـراح
يبي يشق ..القلب ما هو بيشريه

والدم أشوفه من جروح الهوى ساح
والناس مجــروح الهــوى ما تراعيــه

شعر ::::::::::::: مسعد المطيري